ویرات کوہلی اور نوین الحق کے دوران لڑائی کی اصل وجہ جانئے

بھارتی کھلاڑی ویرات کوہلی اپنے شاندار کھیل کے علاوہ تیز مزاج کی وجہ سے بھی پہچانے جاتے ہیں۔ گزشتہ روز ویرات کوہلی اور افغان کھلاڑی نوین الحق کی کھیل کے دوران لڑائی ہوگئی جس کی ویڈیو اس وقت سوشل میڈیا پر گردش کررہی ہے۔ دیکھیں

یہ ویڈیو انڈین پریمیئر لیگ( آئی پی ایل) کے میچ کے دوران کی ہے جس میں لکھنؤ سپر جائنٹس اور رائل چیلنجرز بنگلور کی ٹیمیں آپس میں مدمقابل تھیں۔ ویڈیو میں دیکھا جاسکتا ہے کہ لکھنؤ کے بیٹر نوین الحق اور بنگلور کے فلیڈر ویرات کوہلی ایک دوسرے پر جملے کسنے لگے جس کے بعد دونوں آپے سے باہر ہوگئے۔ یہاں تک کہ امپائر نے بیچ بچاؤ کرایا۔

گوتم گمبھیر نے کوہلی کا ہاتھ پکڑ کر کھینچا
اتنا ہی نہیں ویرات کوہلی کی گوتم گمبھیر سے بھی لڑائی ہوگئی جس کے دوران گوتم نے کوہلی کا ہاتھ پکڑ کر کھینچا اور انھیں بات بھی نہیں کرنے دی۔ واضح رہے کہ گوتم گمبھیر اور کوہلی کی اس سے پہلے بھی کئی بار تلخ کلامی ہوچکی ہے۔